Առաքում
1. Ընդհանուր դրույթներ
Սույն բաժինը սահմանում է Քուշեն (Cooshen) ապրանքանիշի (այսուհետ՝ Քուշեն) կայքի միջոցով կատարված պատվերների առաքման պայմանները։
Պատվեր ձևակերպելով՝ Դուք հաստատում եք, որ ծանոթացել եք սույն պայմաններին և համաձայն եք դրանց։
2. Առաքման տարածք
Քուշենն իրականացնում է առաքում միայն Երևան և Էջմիածին քաղաքներում։
Հայաստանի Հանրապետության մյուս մարզերի դեպքում առաքումն իրականացվում է Հայփոստի միջոցով, և հաճախորդը պատվերը ստանում է իր բնակավայրի փոստային բաժանմունքից։
Միջազգային առաքում այս պահին չի իրականացվում։
Անհրաժեշտության դեպքում հաճախորդը կարող է կապ հաստատել Քուշենի հետ՝ լրացուցիչ տեղեկություններ ստանալու համար։
3. Պատվերի մշակում
Պատվերի մշակումը սկսվում է պատվերի հաստատումից և, անհրաժեշտության դեպքում, վճարման ստացումից հետո։
Ստանդարտ պատվերների մշակման ժամկետը սովորաբար կազմում է 1–2 աշխատանքային օր, եթե ապրանքի էջում կամ պատվերի հաստատման ընթացքում այլ ժամկետ նշված չէ։
Անհատականացված` անվանական տպագրությամբ պատվերների, մեծածախ կամ կորպորատիվ պատվերների դեպքում մշակման ժամկետը տարբերվում է։ Այդ մասին հաճախորդը տեղեկացվում է նախապես։
4. Առաքման եղանակներ, արժեք և ժամկետներ
Քուշենի առաքում
Երևան և Էջմիածին քաղաքներում առաքումն իրականացվում է Քուշենի կողմից։
- Առաքման արժեքը կազմում է 700 ՀՀ դրամ։
- Խորհուրդ ենք տալիս պատվերը ձևակերպել առաքման ցանկալի օրվանից առնվազն 1 օր առաջ։
- Առաքումները հիմնականում իրականացվում են 20:00–22:00 ժամանակահատվածում։
- Կիրակի օրերին առաքում չի իրականացվում։
Աշխատանքային մեծ ծանրաբեռնվածության, տոնական օրերի, եղանակային պայմանների, ճանապարհային սահմանափակումների կամ Քուշենի վերահսկողությունից դուրս գտնվող այլ հանգամանքների դեպքում առաքման օրը կամ ժամը կարող է փոփոխվել։ Նման դեպքերում Քուշենը նախապես կտեղեկացնի հաճախորդին և կկազմակերպի առաքումն այնպիսի ժամկետում, որը հնարավորինս չի ազդի պատվերի ժամանակին ստացման վրա։
Եթե հաճախորդի կողմից ընտրված առաքման ժամն անհնար է ապահովել, Քուշենը նախապես կապ կհաստատի հաճախորդի հետ՝ փոխադարձ համաձայնությամբ ընտրելու առավել հարմար առաքման ժամ կամ օր։
Հայփոստով առաքում
Պատվերը հնարավոր է ստանալ նաև Հայփոստի միջոցով։
Առաքման արժեքը սկսվում է 370 ՀՀ դրամից և հաշվարկվում է՝ կախված առաքանու քաշից, չափերից և առաքման վայրից՝ համաձայն Հայփոստի գործող սակագների։
Հայփոստով առաքման ժամկետները սահմանվում են տվյալ ծառայության կողմից, և Քուշենը պատասխանատվություն չի կրում առաքող կազմակերպության գործունեությամբ պայմանավորված ուշացումների համար։
5. Առաքման հասցե
Հաճախորդը պատասխանատու է պատվերի ընթացքում տրամադրված առաքման հասցեի, հեռախոսահամարի և այլ անհրաժեշտ տվյալների ճշտության և ամբողջականության համար։
Եթե սխալ կամ թերի տվյալների պատճառով առաքումը հնարավոր չի եղել իրականացնել, դրա հետևանքով առաջացած լրացուցիչ ծախսերը կամ կրկնակի առաքման արժեքը կարող են գանձվել հաճախորդից։
6. Պատվերի ստացում
Պատվերը ստանալիս խորհուրդ ենք տալիս ստուգել՝
- փաթեթավորման ամբողջականությունը,
- ապրանքի քանակը,
- ապրանքի արտաքին տեսքը,
- տեսանելի վնասվածքների առկայությունը։
Եթե պատվերը ստանալու պահին հայտնաբերել եք վնասվածք, բացակայող ապրանք կամ այլ անհամապատասխանություն, խնդրում ենք հնարավորինս շուտ տեղեկացնել Քուշենին՝ անհրաժեշտության դեպքում կցելով լուսանկարներ։
7. Չհանձնված պատվերներ
Եթե պատվերը չի հաջողվել հանձնել հաճախորդի կողմից տրամադրված սխալ տվյալների, հաճախորդի անհասանելի լինելու կամ այլ պատճառներով, պատվերը կարող է վերադարձվել Քուշենին։
Այս դեպքում կրկնակի առաքումը կատարվում է միայն կողմերի համաձայնությամբ և կարող է իրականացվել հավելյալ վճարի դիմաց։
8. Ուշացումներ
Քուշենը պատասխանատվություն չի կրում առաքման ուշացումների համար, եթե դրանք պայմանավորված են իր վերահսկողությունից դուրս գտնվող հանգամանքներով, այդ թվում՝
- եղանակային պայմաններով,
- ճանապարհային սահմանափակումներով,
- տրանսպորտային խափանումներով,
- պետական սահմանափակումներով,
- ֆորս մաժորային այլ իրավիճակներով,
- առաքումն իրականացնող կազմակերպության գործունեությամբ։
9. Պատվերի վնասման կամ կորստի ռիսկը
Ապրանքի վնասման կամ կորստի ռիսկը հաճախորդին է անցնում պատվերը նրան կամ նրա կողմից լիազորված անձին հանձնելու պահից։
10. Կապ մեզ հետ
Առաքման վերաբերյալ հարցերի դեպքում կարող եք կապ հաստատել մեզ հետ.
էլ․ փոստ՝ info@cooshen.am
հեռախոս՝ (+374)41130714