Քուշենը հայկական բրենդ է, որն արտադրում է մարմնի և դեմքի խնամքի, մերսման համար նախատեսված պարագաներ, որոնց գլխավոր բաղադրիչը լյուֆա բույսի հասունացած պտուղն է։

Քուշենը նաև առաջարկում է գլխամաշկի և մազերի խնամք՝ ներկայացնելով փայտյա սանրեր՝ պատրաստված հաճարենու փայտից, ինչպես նաև խնամքի աքսեսուարներ՝ մազակալ, փայտյա պատյանում հավաքված հայելիներ, զարդատուփեր։

Լյուֆան դդմազգիների ընտանիքին պատկանող միամյա մշակաբույս է, որի պտուղները ամբողջովին հասունանալու դեպքում վերածվում են բնական սպունգի։ Այն շատ օգտակար հատկություններ ունի մաշկի համար, իսկ երկարատև օգտագործման ընթացքում կարող է հրաշքներ գործել։

Լյուֆան աճեցնում ենք Հայաստանում՝ Արարատյան դաշտում (Արմավիրի մարզ, Արաքս (Վաղարշապատ) համայնք, Առատաշեն գյուղ)։

Լյուֆան մարդկանց մեծամասնության համար անվտանգ է և օգտակար։ Այն հատկապես հարմար է նրանց համար, ովքեր զգայուն են արհեստական նյութեր պարունակող սպունգերի նկատմամբ։ Առաջին օգտագործման ժամանակ խորհուրդ ենք տալիս փորձել փոքր հատվածի վրա՝ համոզվելու, որ մաշկը լավ է ընդունում այն։

Օգտագործելուց առաջ լյուֆան թրջեք ջրում․ չոր վիճակում այն կոշտ է, իսկ թրջվելուց հետո հաճելիորեն փափկում է։

Եթե ունեք շատ զգայուն մաշկ, մաշկային հիվանդություններ, ակնե կամ բաց վերքեր, խորհուրդ ենք տալիս նախ խորհրդակցել մաշկաբանի հետ և չօգտագործել լյուֆան վնասված հատվածների վրա։

Լյուֆայի պտուղների տարբեր լինելու արդյունքում պարագաները տարբեր կոշտության են ստացվում։ Բացի դա, պարագաների պատրաստման ընթացքում ավելի փափուկ տարբերակները մշակում և ստանում ենք դեմքի խնամքի համար, իսկ ավելի կոշտ տարբերակները՝ մարմնի։

Պատվիրելիս նշեք, թե ինչ կոշտության եք ցանկանում այն, և Ձեզ կուղարկենք համապատասխան տարբերակը։